سلامى عليكم وبجديد؟؟؟؟؟؟؟؟؟؟؟؟ حامد الفرجانى

راوى الهش الإثنين أبريل 13, 2009 8:48 am

سلامى عليكم وبجديد نجيكم
بوزياد يتشرف يقول اسطور
على ماخطر فى دنيتى بنقوله
شديد عزم والواجب نكون صبور
خطرها على لجواد صاب الخاطر
خطار بخنرها فرض بخطور
فيها عجب من صاحبا يصفالك
واوقات بالجمله يجيه غرور
وفيها عجب من جار قال يانويرتى
بالرحمه وعالسبقه وفى قبور
اللى كانو يطفو نارها
ويشقرو عصر وضحى وسحور
والتوب كان للكل وما فى غيبه
ومقعد الشيزه وخيلها وسرور
وريت لكبار يكيلوا فى اجرانها
ويقولو علينا فرض فيه عشور
وريت الشاب ما يدير الشينه
وما يحسن دقنه الا مستور
وريت الصبايا قبل فيهن ريبه
فيهن حيا واضح بكل برور
الوحده تحشم ما تشيل اعويل
قدام هلها برد كى فى حرور

تعال بهت فى جيل الحاضر
من يسمع ومن تشور
الشاب يتكلم بالافرنجى
ديما غرقان راسه من الدهون عطور
وشعور جمته قدام غطت عينه
وشعور لاورا تلمع يجيها نور
وهدوم ضيقه بينت عوراته
تقول سايح على لبلاج يدور
وين تنصحه ليش دير الزينه
وجه يتغيلر من حداك يثور
مايعرف الطره من كلام نبينا
واغلب كلامه كذب واخرى زور
ناسى فروض الله وناسى دينه
بيقى بو عتيد يشزنه علفور
توا ذكرنا الشاب فى تقنينه
وباقى اللى نقول عليه نحور

فيهن ثقيلة الدم
وفيهن اللى موش رزينه
وفيهن اللى السالف وراها دور
وفيهن اللى قضت العمر حزينه
وفيهن اللى خطابها طابور
ان حزتها تقضى العمر سرور
وفيهن اللى تنكد وماهى زينه
تخلى الخاطر حاير ومقهور
تفتح عيها الباب كى ترعيها
تفاجى بنكدها والكلام يجور
لا لون صكم لابشش لا زينه
لا وجه يفتح فى طريقك نور
ترقد مكدى الليل عقلك وينه
فكر وجفا يقهر وحال ضمور
هضى عقب الوصف ياسميعه
وان شاء الله ننجو بعد هالجور

زول جديد خطر للخاطر
..........................
سمح جديد خطر للخاطر
عوض للى كا ن وتجديد
خطر للخاطر